“Heydər Əliyev adına Beynəlxalq Təhsil Qrantı” proqramına 2024-2025-ci tədris ili üzrə 47 ölkədən yüzlərlə namizəd müraciət edib. 35 ölkə üzrə 100 nəfər təhsil qrantına layiq görülüb.
Modern.az-ın məlumatına görə, namizədlərin əksəriyyəti Bakı Dövlət Universiteti, Azərbaycan Tibb Universiteti, Dövlət Neft və Sənaye Univesiteti, Bakı Mühəndislik Universiteti başda olmaqla 10 ali təhsil müəssisəsində təhsil almaq hüququ qazanıblar.
Əcnəbilərin Azərbaycanda ali və orta təhsil alması üçün müraciətlərinin sayında da artım müşahidə olunur. Belə ki, 20222023-cü tədris ilində 5.3 min, 20232024-cü 2024/2025-ci tədris illərində isə 6.7 min müraciət qeydə alınıb.
Hazırda ölkənin ali və orta təhsil müəssisələrində dünyanın 105 ölkəsindən 11 minə yaxın əcnəbi və Azərbaycan vətəndaşlığı olmayan şəxs təhsil alır. Bu da əvvəlki tədris ilinə nisbətdə 10% çoxdur.
Tələbələr əsasən Türkiyə, Pakistan, İran, Gürcüstan, Rusiya, Hindistan, Nigeriya, Çin, Qazaxıstan və digər ölkələrdəndir.
