Tam (11 illik) orta təhsil səviyyəsi üzrə 9 mart 2025-ci il tarixində keçirilmiş buraxılış imtahanının nəticələri elan olunub. İmtahan iştirakçıları arasında 20 nəfər 300 bal toplamaqla ən yüksək nəticəni göstərib. Onlardan 10-u qız, 10-u oğlandır.
300 bal toplayanlardan biri Ağsu rayonu, İlxıçı kənd orta məktəbinin şagirdi Rəhimova Xədicə Toğrul qızıdır.
Məktəbli Modern.az-a açıqlamasında bildirib ki, III ixtisas qrupu üzrə hazırlaşır:
“Hüquqşünaslıq ixtisasına qəbul olmağı istəyirəm. Uğurumun sirrini davamlı və hərtərəfli çalışmaqda görürəm, səhvlərdən dərs çıxarıb bilikləri möhkəmləndirmək lazımdır deyə düşünürəm, yanlışlara köklənib mənfi düşünmək yaxşı deyil”.
