Haqqin.az saytının rəhbəri Eynulla Fətullayev “ABŞ kəşfiyyatçıları və Xədicə İsmayılovanın casus hesabatı” başlıqlı yazısının yalan olduğunu iddia edənlərə cavab verib.
O, Modern.az saytına açıqlamasında deyib ki, bütün fikirlər yazıda əksini tapıb:
“Nə lazımdırsa, yazıda qeyd etmişəm. Dərc olunan siyahının əsası əlimizdədir”.
Qeyd edək ki, E.Fətullayev yazısında “Azadlıq” radiosunun əməkdaşı Xədicə İsmayılovanın ötən ay Bakıya gələn ABŞ Senatı aparatının iki əməkdaşı - Con Zadrozni və Daniel Vajdiçinə Azərbaycan müxalifəti ilə bağlı siyahı təqdim etdiyini göstərib. X.İsmayıla məxsus olduğu iddia edilən siyahıda əksər müxalifət liderlərinin və jurnalistlərin hakimiyyətlə əlbir olduğu qeyd edilib.
Yazıda adı keçən şəxslər isə bunu təkzib edib.
İlkin PİRƏLİ
