Azərbaycan Milli Məclisin sədri Oqtay Əsədov bu gün Tehranda İran Prezidenti Həsən Ruhani ilə görüşüb. Trend-in məlumatına görə, bu barədə İSNA agentliyi xəbər verir.
Məlumata əsasən, Tehranda keçirilən İslam Əməkdaşlıq Təşkilatının İslam Parlamentlərarası Birliyinin (İİPU) 9-cu iclası çərçivəsində baş tutan görüşdə İran və Azərbaycan arasında ikitərəfli əlaqələrin inkişaf etdirilməsi, regional və beynəlxalq məsələlər müzakirə olunub.
Qeyd edək ki, İslam Əməkdaşlıq Təşkilatın İslam Parlamentlərarası Birliyinin (İİPU) rəhbərlərinin 9-cu iclası bu gün səhər Tehranda öz işinə başlayıb. İclas sabah başa çatacaq. İclasda 47 ölkədən nümayəndə heyəti o cümlədən 26 parlament sədri iştrak edir.
Azərbaycanı iclasda Milli Məclisin sədri Oqtay Əsədov təmsil edir.
Modern.az
