Ukrayna paytaxtında etirazçılarla güc strukturları arasında qarşıdurma getdikcə qızışır. Modern.az saytı Ukrayna KİV-nə istinadən bildirir ki, “Batkivşina” fraksiyasından deputat Lesya Orobetsin mitinq edənlərdən 3nəfərin öldürülməsi ilə bağlı verdiyi məlumatdan sonra vəziyyət bir qədər də gərginləşib. Onun sözlərinə görə, onların hər üçü güllələnib. Deputat Facebook səhifəsində yazıb ki, öldürülənlərin meyitləri zabitlər evindədir. Daha 7 nəfər isə ölüm ayağındadır. Yaralıların sayının da getdikcə artdığı bildirilir. Təcili yardım maşınlarının qarşıdurmanın getdiyi ərazilərə buraxılmadığı da iddia edilir.
