Təhsil Nazirliyi ilə Heydər Əliyev Mərkəzinin birgə layihəsi çərçivəsində Xocalı şəhər 2 nömrəli tam orta məktəbin şagirdləri üçün Heydər Əliyev Mərkəzində vətənpərvərlik mövzusuna həsr olunmuş əlavə dərs tədris olunub.
Nazirlikdən Modern.az-a verilən məlumata görə, şagirdlərin vətənpərvərlik tərbiyəsində mühüm əhəmiyyət kəsb edən dərsin tədrisində əsas məqsəd müasir Azərbaycan tarixi haqqında məktəblilərə daha dolğun və əhatəli məlumatların verilməsindən ibarətdir. Eyni zamanda, dərslər və müvafiq ekskursiyalar şagirdlərin milli-mənəvi dəyərlərə malik, sağlam əqidəli, müasir dünyagörüşlü şəxsiyyət kimi formalaşmasına və müstəqil həyata hazırlanmasına xidmət edir.
Modern.az
