Bu gün səhər naməlum kişi Simferopolun Luqovoe mikrorayonundakı məscidə “Molotov kokteyli” atıb. Modern.az-ın Ukrayna mətbuatına istinadən verdiyi xəbərə görə, məscidin imamı Məhəmməd İslamov deyib ki, nəzarət kamerasına səhər saat 5-də açıq rəngli paltarda bir kişinin əlində yandırıcı maddə olan şüşə ilə məscidə yaxınlaşdığı düşüb. İmamın sözlərinə görə, naməlum şəxsin davranışları onun hazırlıqlı olduğunu təsdiqləyir:
“O, dərhal “Molotov kokteyli” yandırıb üç şüşəni məscidə tərəf ataraq aradan çıxıb”.
Krım müsəlmanlarıDini İdarəsinin mətbuat xidmətindən verilən məlumata görə, məscidə o qədər də ziyan dəyməyib. Hazırda hüquq-mühafizə orqanları faktla bağlı araşdırma aparır.
