“Formula-1” yarışları üzrə yeddiqat dünya çempionu Mixael Şumaxer Fransanın Qrenoble xəstəxanasının xüsusi reabilitasiya şöbəsinə yerləşdirilib. Modern.az xarici mətbuata istinadən xəbər verir ki, alman pilotun tam sağalması şansı həmişəki kimi yüksək deyil. Ancaq fransalı həkimlər onu reabilitasiya proseduruna hazırlayacaqlar.
Xatırladaq ki, 45 yaşlı Şumaxer 2013-cü il dekabrın 29-da Fransanın Alp dağlarında xizək sürərkən ağır kəllə-beyin zədəsi alıb. Keçmiş pilot iki əməliyyat keçirib və komaya düşüb.
Modern.az
