“Daxili İşlər Nazirliyinin informasiya şöbəsində Elçin Vəli oğlu Məmmədov barədə məlumat yoxdur. Elə bir adam Rusiya tərəfindən axtarılırsa, Azərbaycan hüquq-mühafizə orqanlarına məlumat verilə və müvafiq tədbir görülərdi”.
Bunu Modern.az-a DİN-in mətbuat xidmətinin rəhbəri Ehsan Zahidov deyib.
Qeyd edək ki, Rusiyanın “Komsomolskaya Pravda” qəzetinin apardığı jurnalist araşdırmasına əsasən, keçirdiyi əməliyyatlar zamanı bir pasientinin ölümünə, daha bir neçəsinin isə ağır travmalar, o cümlədən komaya düşməsinə səbəb olan azərbaycanlı cərrah Elçin Məmmədov barəsində Moskvanın Simonovsk rayon məhkəməsi qiyabi həbs qərarı çıxarıb. Cərrahın Azərbaycanda gizləndiyi ehtimal olunur.
Gülşən RAUFQIZI
