Ukrayna Ali Radasının bugünkü iclasında “UDAR” və “Azadlıq” partiyalarının fraksiyalarının liderləri parlament koalisiyasından çıxdıqlarını bəyan ediblər.
Modern.az Ukrayna KİV-nə istinadən xəbər verir ki, iclasda koalisiyadan çıxdıqlarını bəyan edən “UDAR”ın lideri ölkədə növbədənkənar parlament seçkilərinin keçirilməsinin vacib olduğunu vurğulayıb. “Azadlıq” fraksiyasının lideri Oleq Tyaqnibok isə Ukraynanın Şərqində hərbi vəziyyət elan olunmasına çağırıb
Digər məlumata görə, keçmiş baş nazir Yuliya Timoşenkonun lideri olduğu “Batkivşina” fraksiyası da koalisiyadan çıxdığını elan edib.
Modern.az
