Bu gün Şərqdə ilk operanın yaradıcısı, dahi bəstəkar və publisist Üzeyir Hacıbəylinin anadan olmasının 130-cu ildönümüdür. Modern.az saytı Qarabağ fotolarda rubrikasını bu dəfə dahi bəstəkara həsr edir.
Birinci şəkil Üzeyirin ən kiçik yaşlı fotosudur. 1885-ci ildə Ağcabədidə anadan olan Üzeyir Şuşada yetkinləşir. Atası Əbülhəsən Mirzə idi. Xan qızı Natəvanın həm qonşusu, həm də şəxsi mirzəsi olub. Elə xan qızının özü də kiçik yaşlarından Üzeyiri çox sevirdi. Ona özünün çəkdiyi rəsmləri bağışlayıb və Üzeyir bəy ömrünün sonuna qədər o rəsmləri xoş bir xatirə kimi qoruyub saxlayıb.
Üçüncü foto isə artıq Şərqdə tanınan və Azərbaycanın imicini müəyyən edən bir şəxsiyyətdir. Həyat yoldaşı Məleykə xanımla çəkilib. Foto Üzeyir ömrünün son xatirələrindəndir. Məleykə Terequlova-Hacıbəylinin adı pedaqoq, maarifçi, musiqişünas kimi mədəniyyət tariximizə düşüb. Məleykə xanım məşhur Terequlovlar ailәsindәndir.
Terequlovlar ailәsi әslәn Volqaboyu tatarlarındandır. Ailə 1845-ci ildә Tiflisә köçüb. Tiflisdә ilk dәfә olaraq qızların vә oğlanların birgә oxuması üçün nәzәrdә tutulan rus-tatar mәktәbini də onlar açıb, xeyriyyәçiliklә dә mәşğul olublar. Üzeyir bəyin ağır konservatoriya çağlarında Məleykə xanım hər zaman ona dəstək olub. Elə bu fotodan da Məleykə xanım ömrünün son anlarına qədər Üzeyir bəyi yalnız buraxmayıb.
Elmin Nuri
