“Təəssüf ki, ABŞ-da bəzi rəsmilər və diplomatlar ölçü hissini tamam itiriblər”. Modern.az saytı xəbər verir ki, bunu Prezident Administrasiyası rəhbərinin müavini, qurumun Xarici əlaqələr şöbəsinin müdiri Novruz Məmmədov öz "Twitter" səhifəsində yazıb.
PA rəsmisi bildirib ki, belələrindən biri olan Baer unudur ki, zorakılığın da, korrupsiyanın da, həbslərin də əsl vətəni elə öz ölkəsidir: "Görünür, ABŞ-ın ATƏT-dəki nümayəndəsi cənab Baerin ölkəsində baş verən hadisələrdən heç xəbəri yoxdur. Elə bir neçə gün əvvəl Senatın Kəşfiyyat Komitəsində gedən dinləmələrlə tanış olsa idi, yaxşı olardı. Onda anlayardı ki, "Twitter"də yazdıqlarını oxuyanda, ilk yada düşən ölkə elə ABŞ olur".
Novruz Məmmədov qeyd edib ki, Baer qərəzli fikirlərilə ABŞ ilə Azərbaycan arasında münasibətlərə zərbə vurmağa çalışır.
Modern.az
