Azərbaycan prezidentinin dekabrın 29-da imzaladığı sərəncamla əfv olunan tanınmış vəkil Qurban Məmmədov azadlığa buraxılıb.
Ötən il həbs edilən Qurban Məmmədov «yol hərəkəti və nəqliyyat vasitələrinin istismarı qaydalarını pozma»da ittiham olunaraq 3 il azadlıqdan məhrum edilmişdi.
Rəsmi ittihamda göstərilir ki, yol qəzası 2012-ci il sentyabrın 27-də Bakıda baş verib. Qurban Məmmədov yol qırağında saxladığı maşınını geriyə verərkən parketmə işini həyata keçirən Pərviz Abbasovun ayağı əzilib. Qurban Məmmədov həbsini siyasi motivli sayıb.
Modern.az saytı onun evindəki fotolarını təqdim edir.
