Rusiya prezidenti Vladimir Putinin mətbuat katibi Dmitri Peskov KİV-də Putinin İspaniyada villa alması ilə bağlı yayılan informasiyaları təkzib edib.
Modern.az bildirir ki, o, bu haqda “Exo Moskva” radiostansiyasının efirində məlumat verib: “Bu, orijinal olmayan zarafatdır”.
Bundan əvvəl Britaniyanın “Daily Mail” qəzeti Rusiya prezidentinin Malaqa əyalətində villa alması haqda xəbər yayıb. Qəzetdəki məlumatda qeyd edilirdi ki, ümumi sahəsi 18 min kvadratmetr olan ərazidə helikopter meydançası və ən azı 22 avtomobil üçün saxlanc yeri var. Britaniya nəşri onu da xəbər verirdi ki, villanın ərazisində elit üzüm sortu yetişdirmək planlaşdırılır.Modern.az
