Bu gündən V Televiziya Milli Muğam Müsabiqəsinin seçim turları start götürüb. Üç gen davam edəcək seçim turlarından sonra müsabiqənin əsas mərhələsinə 20 gənc xanəndə buraxılacaq.
2009-cu ildən start götürən müsabiqənin münsiflər heyətinin üzvü xalq artisti Arif Babayev Modern.az-a müsabiqə haqqında çox nikbin danışıb. Qocaman sənətkarın dediyinə bu dəfəki müsabiqədə də tamam fərqli və istedadlı gənclər olacaq:
“Ayın 16-sı, 17 və 18 –i seçim turları olacaq. Bu dəfə də istedadlı gənclər var. Biz amma onlardan 20 –ni seçəcəyik. Görək də, hələ ki gözləyirik. İnşallah yaxşı olmalıdı. Amma ıəsas məsələ onların özlərindən asılıdır. Onlar özlərini bacardığı qədər səhnədə göstərməlidirlər. “
Qeyd edək ki, Televiziya Muğam Müsabiqəsinin təşkilatçısı Heydər Əliyev Fondudur.
Elmin NURİ
