İtaliya çempionatında “Genoa” klubuna qarşı keçirilən görüşdə “Fiorentiona”nın qapıcısı topu başı ilə öz qoruduğu qapıdan keçirərək 14-cü dəqiqədə hesabın açılmasına səbəbkar olub. Modern.az xarici KİV-ə istinadən xəbər verir ki, qəribə qol “Genoa”nın oyunçusu Sturaro boş qapıya topu göndərə bilməməsindən sonra baş verib, onun zərbəsi qapı dirəyinə tuş gəlib. Ancaq dirəkdən qayıdan top düz rumıniyalı qapıçı Çiprianu Teteruşanunun başına dəyərək “Fiorentina”nın qapısına daxil olub. Bu qola baxmayaraq, səfərdə oynayan “Fiorentina” hesabı bərabərləşdirib. Oyun 1:1 hesabı ilə başa çatıb.
