Millət vəkili Hadi Rəcəbli bu günlərdə Lənkəranda seçiciləri ilə görüş keçirib. Modern.az xəbər verir ki, seçicilərin çox saylı müraciətləri əsasında baş tutan görüşdə deputat rayon sakinlərinin bir qrupunu qəbul edərək dinləyib.
Gərmətük qəsəbə sakini Habil Məmmədov kənd ara yollarının təmir olunması, Günəhir kənd sakini Müşfiq Səfərov, Göyşaban kənd sakini Ülviyyə Əlizadə işlə təmin olunmasına köməklik göstərilməsi, Haftoni qəsəbə sakini Rasim Əzimzadə, Şağlakücə kənd sakini Mais Mirzəyev sosial yardımın alınması ilə bağlı müraciət ediblər.Müraciət edən vətəndaşların bir qrupunun məsələsi yerindəcə öz həllini tapıb.
Müşfiq Səfərov və Ülviyyə Əlizadə özəl firmalarda işlə təmin olunublar. Sosial yardımla bağlı ƏƏSMN-nın yerli şöbəsinin rəhbərliyi ilə danışılıb və müraciət edənlərə tövsiyyə olunb ki, sənədlərini qanunamüvafiq hazırlayıb Əmək və Əhalinin Sosial Müdafiəsi Nazirliyinin yerli şöbəsinə təqdim etsinlər.
Müraciət edənlər ölkədə gedən sosial-iqtisadi inkişafı xüsusi vurğulayaraq cənab Prezident İlham Əliyevə öz minnətdarlıqlarını bildirib və deputatla geniş fikir mübadiləsi də aparıblar.
Ümumilikdə gün ərzində 32 nəfər seçici və vətəndaş qəbul olunub, onların müraciətlərinə baxılıb.
Modern.az
