Türkiyənin Mərmərə Universitetinin dos. dr. Mehdi Gəncəlinin “Türk kültürü incelemeleri” dərgisində (№239. 2014) “ Hüseyn Cavidin İstanbul məktubları və Osmanlı mətbuatında “Cavid “ imzası” adlı irihəcmli maraqlı yazısı dərc olunub.
Modern.az xəbər verir ki, “Giriş”. “Həyatı” , İstanbul məktubları” , “Osmanlı mətbuatında Cavid” yarımsərlövhələrindən ibarət məqalə cavidşünaslıq irsinə mühüm töhfədir: müəllif Azərbaycan və Türkiyə araşdırmaçılarının H. Cavidlə bağlı tədqiqat materiallarına nəzər salıb, onları müasir tələblər baxımından dəyərləndirib, eyni zamanda mötəbər mənbələrə, arxiv sənədlərinə, daha çox vaxtı ilə Türkiyədə nəşr olunmuş dövrü mətbuatda dərc edilmiş yazılara istinad edərək H. Cavidin həyat və yaradıcılığı barədə yeni və dəyərli mülahizələr irəli sürüb.
Abid Tahirli
