Yeni Azərbaycan Partiyası Nəsimi rayon təşkilatının Gənclər Birliyi 28 May Respublika günü və 1 iyun Uşaqların Beynəlxalq Müdafiəsi günü münasibətilə rayon ərazisində yaşayan valideyn himayəsindən məhrum uşaqlarla la bağlı “Şəhərimizi tanıyaq və sevək” devizi altında maraqlı və silsilə tədbirlər keçirəcək.
Bu barədəd Modern.az saytına Yeni Azərbaycan Partiyası Nəsimi rayon təşkilatının sədri, millət vəkili Məlahət İbrahimqızı məlumat verib.
Onun sözlərinə görə, bu maraqlı və əyləncəli proqramdan öncə uşaqların hərtərəfli tibbi-profilaktik müayinəsi keçiriləcək. Sonra isə uşaqlar şəhərimizin ən gözəl yerlərində yaradılmış uşaq əyləncə mərkəzlərində istirahət edəcək, tarix-diyarşunaslıq müzeyləri ilə tanış olacaqlar. Proqramın sonunda YAP Nəsimi rayon təşkilatının Gənclər Birliyi tərəfindən həmin uşaqlara bayram sürprizləri təqdim olunacaq və onlar partiya fəalları ilə birgə nahar edəcəklər.
