Portuqaliya millisinin və İspaniyanın “Real” klubunun ulduzu Kriştianu Ronaldunun anası Dolores Aveyra Madrid hava limanında administrativ qayada pozuntusuna görə saxlanılıb. Modern.az saytının xarici KİV-ə istinadən verdiyi xəbərə görə, qadın ölkədən çemodanda 55 min avro çıxarmağa cəhd edib.
61 yaşlı qadın pulu şəxsi yükü kimi aparsa da, ancaq məbləğ qanunla icazə veriləndən çox olub. İspaniya qanununa görə, bir şəxs ölkədən maksimum özü ilə 10 min avro apara bilər.
Nəticədə, Ronaldunun anası 45 min avronun müsadirəsinə razılaşaraq Portuqaliyaya uçub. Qalan məbləği geri ala bilmək üçün qadın baş verən olayla bağlı izahat yazıb pulu nə məqsəd üçün götürdüyünü açıqlamalıdır.
Modern.az
