Modern.az

Azərbaycanda universitet müəllimlərinin əməkhaqları artırıldı

Azərbaycanda universitet müəllimlərinin əməkhaqları artırıldı

8 İyun 2015, 18:49


Azərbaycan Dillər Universiteti də sahib olduğu geniş imkanlar nəticəsində hər il universitetdə gözəçarpan və çox vacib islahatlar aparır. Universitetin mətbuat xidmətindən Modern.az-a bildirilib ki, ADU-da fəaliyyət göstərən professor-müəllim, o cümlədən işçi heyətinin əməkhaqqlarının artımı sahəsində növbəti dəfə yeniliklər aparılıb. İşçilərin sosial rifahının yüksəlməsi, maddi durumunun yaxşılaşdırılması istiqamətində addım atılaraq maaşlar respublikada ali təhsil müəssisələri içərisində ən yüksək səviyyəyə çatdırılıb.

“ADU-da çalışan əməkdaşların rifah halının yaxşılaşdırılması və sosial müdafiəsinin daha da gücləndirilməsi məqsədilə mütəmadi olaraq ayrı-ayrı sahələrdə çalışan işçilərin əmək haqları artırılır.
Belə ki, növbəti artım ADU-nun Elmi Şurasının 8 iyun 2015 - ci il tarixli qərarına əsasən həyata keçirildi. Bu addım ödənişli əsaslarla təhsil alan tələbələlərin ödənişi, universitetin beynəlxalq və yerli layihələrdə qazandığı vəsait, əməkdaşlarının sayının azaldılması və tələbə-müəllim nisbətinin beynəlxalq standartlara uyğunlaşdırılmasının nəticəsidir. Universitetdə çalışan kafedra müdirləri 1250AZN, professor 1100AZN, dosent 860AZN, baş müəllim 600AZN, müəllim 500AZN məbləğində əməkhaqqları ilə təmin olunacaqlar. Bu da əməkhaqqının 30-35 %-ə qədər artımı deməkdir. ADU-da professor-müəllim heyətinin əməkhaqqı minimum 500AZN, maksimum 2000 AZN təşkil edir ki, bu da Azərbaycanda ali məktəblər sırasında ən yüksək göstəricilərdən biridir”,-deyə ADU-dan bildirilib.

Modern.az

Sizə yeni x var
Keçid et
Putini saymadılar - Paşinyandan Rusiya liderinə mesaj