ABŞ Dövlət Departamenti Türkiyədə keçirilən parlament seçkilərinin nəticələri ilə bağlı mövqeyini açıqlayıb.
Modern.az saytı xarici KİV-ə istinadən xəbər verir ki, bu barədə Dövlət Departamentinin sözçüsü Ceff Ratke danışıb.Xarici siyasət idarəsinin rəsmisi bəyan edib ki, yeni parlament və hökumətlə əməkdaşlığı səbirsizliklə gözləyirlər.
“ABŞ olaraq yeni seçilmiş parlament və gələcəkdəki hökumətlə əməkdaşlıq etməyi səbirsizliklə gözləyirik. Türkiyənin dostu və NATO-dakı müttəfiqi olaraq siyasi, iqtisadi və təhlükəsizliklə bağlı əməkdaşlığımızı yaxından davam etdirməyi düşünürük”,-deyə o bildirib.
Ceff Ratkeninin sözlərinə görə parlament seçkilərində 50 milyondan artıq seçicinin iştirak etməsi Türkiyə demokratiyasının gücünü göstərir.
Aqşin Kərimov
