Modern.az saytının məlumatına görə bunu “Fox News” telekanalının efirində ABŞ-ın istefada olan generalı və hərbi eksperti Cek Kin bildirib.
Onun sözlərinə görə Rusiya lideri Vladimir Putin bu gün dünyanın ən hörmətli və qəddar lideridir.
“O, Krımın zəbt edilməsinə nail ola bildi və Ukraynanın şərqində heç kimin onu dayandırmağa qətiyyəti çatmır. Qərb Rusiyaya qarşı daha çox sanksiya tətbiq edə bilər, amma Putin sadəcə olaraq onlara əhəmiyyət verməyəcək”,-deyə general bildirib.
Cen Kinin fikrincə, Qərb Rusiyanın siyasətinə iki üsulla cavab verə bilər:
“Güc balansını əhəmiyyətli şəkildə dəyişmək üçün Ukraynanı silahlandırmaq, həmçinin Baltikyanı regionda böyük qüvvə yerləşdirmək lazımdır. Amma biz bunu etmirik. Putin NATO-nun zəifliyini dərk edir və bundan yararlanmağa hazırlaşır”.
Aqşin Kərimov
