İyunun 11-də I Avropa Oyunlarında iştirak edəcək ölkələrin nümayəndələri üçün Atletlər Kəndində təntənəli qarşılanma mərasimi olacaq.
Bunu Modern.az saytına Azərbaycan nümayəndə heyətinin rəhbəri Könül Nurullayeva deyib. O bildirib ki, mərasim iyunun 11-i saat 18.00-da kəndin bayraq meydanında keçiriləcək:“Mərasimdə ölkələrin nümayəndə heyətlərinin təntənəli qarşılanması və bayraqların qaldırılması prosesi həyata keçiriləcək. Demək olar ki, bütün ölkələrin nümayəndə heyətləri bir yerdə olacaq. Onların rəsmi qarşılanma mərasimi olacaq. Bütün rəhbərlik mərasimdə iştirak edəcək.
Amma konkret olaraq kiminsə mərasimdə çıxış etməsi gözlənilmir”. İyunun 12-də I Avropa Oyunlarının açılışı olacaq.
Sevinc YASİNQIZI
