Modern.az

Bakıdakı böyük idman tədbirinin açılışı üçün bütün biletlər satıldı

Bakıdakı böyük idman tədbirinin açılışı üçün bütün biletlər satıldı

Təhsil

10 İyun 2015, 14:42


“Bakı 2015” I Avropa Oyunlarının Olimpiya Stadionunda keçiriləcək Açılış Mərasimi üçün bütün biletlər satılıb.

Bakı 2015 Avropa Oyunları Əməliyyat Komitəsindən Modern.az saytına verilən məlumata görə, son 50 ildə Avropa idman təqviminin önəmli tədbirini tamaşaçılarla tam dolu stadionla qarşılanacaq. Çünki artıq mərasim üçün biletlərin hamısı satılıb. “Bakı 2015”-in Əməliyyatlar üzrə baş direktoru cənab Saymon Kleq bildirib:

“Bu, inanılmaz nailiyyətdir. I Avropa Oyunlarının rəsmi açılış mərasiminin Azərbaycanın idman tarixində ən möhtəşəm və unudulmaz gecə olacağı ilə hamımız qürur duymalıyıq. 30 ay ərzində biz xəyalı reallığa çevirdik.

Mən, təkcə Açılış Mərasiminə deyil, həmçinin idman yarışlarının da biletlərinin satılmasına görə 78 faizi yerli işçilərdən təşkil olunmuş BAOƏK heyətinə öz təşəkkürümü bildirirəm”.

Baş direktor, həmçinin artıq 106 idman yarışları üzrə biletlərin satıldığını açıqlayıb: “I Avropa Oyunları ərəfəsində Bakıda aşkar hiss edilən həyəcan indi də bilet satışlarına sirayət etməkdədir. BAOƏK ilk Avropa Oyunlarına tamaşa etmək istəyən minlərlə insanın hüquqlarının qorunması, biletlərin təkrar satışı və saxtakarlığı ilə bağlı qanunun tələblərinə riayət edilməsi üçün Azərbaycan Respublikasının müvafiq dövlət qurumları ilə birgə fəaliyyət göstərir”.

BAOƏK-in bilet satışı üzrə məsul şəxsi Miryam Boqataj qeyd edib ki, bu sahədə Azərbaycan Respublikasının Milli Olimpiya Komitəsi, Gənclər və İdman Nazirliyi və Milli Məclislə birgə fəaliyyət ortaya qoyulub:

“Biz satılan biletlərin həqiqiliyini təmin etmək istəyirik. Bunu etməyin ən yaxşı yolu biletləri yalnız Bakı və Mingəçevir şəhərlərində yerləşən bilet satış məntəqələrindən əldə etməkdir”.

Açılış Mərasiminə bilet ala bilməyənlər isə Bakı 2015-in rəsmi veb-saytını izləyə bilər.

Belə ki, mərasim iyunun 12-də saat 21.00-dan etibarən Baku2015.com saytından canlı olaraq yayımlanacaq. Həmçinin Bakı vaxtı ilə günorta saat 12.00-dən başlayan canlı yayım saytda və sosial media platformasında yerləşdiriləcək.

Mərasimin hər anı və səhnəarxası görüntüləri qeydə alınacaq. Açılış Mərasimi ilə bağlı eksklüziv görüntülər sosial şəbəkələrdən paylaşılacaq. Hazırda idman yarışları üçün bilet satışları çox sürətlə satılır.

Bakı 2015 idman yarışları üçün bilet almaq istəyənlər www.baku2015.com/tickets-də müraciət edə bilərlər. Bununla yanaşı, bilet köşklərindən də bilet almaq mümkündür.

SEVİNC YASİNQIZI  

 
Facebook
Dəqiq xəbəri bizdən alın!
Keçid et
Putini saymadılar - Paşinyandan Rusiya liderinə mesaj