Modern.az

Azərbaycan Qardaşlıq və Əməkdaşlıq Cəmiyyəti TBMM-də qəbulda olub

Azərbaycan Qardaşlıq və Əməkdaşlıq Cəmiyyəti TBMM-də qəbulda olub

10 İyun 2015, 17:13


Azərbaycan Qardaşlıq və Əməkdaşlıq Cəmiyyəti, TürkiyədəAzərbaycanın daha da yaxından tanıtılması, Türkiyə-Azərbaycan münasibətlərinin daha da inkişaf etdirilməsi, bu istiqamətdə fəaliyyət göstərən qurum və fərdlərə dəstək olunması, Azərbaycandan gəlib İzmir Universitetlərində təhsil alan tələbələrin təhsillərini daha da başarılı bir şəkildə başa vurmalarına dəstək məqsədi ilə qurulub.

Məqsədləri arasında Azərbaycan həqiqətlərinin, Dağlıq Qarabağın Ermənistan tərəfindən işğal edilməsinin və Xocalı Soyqırımın tanıtılması da olan cəmyyət bu sahədə bir çox fəalliyyətlər həyata keçirtməkdədir. Bu məqsədlə cəmiyyətin sədri Dr. Asıf Kurban və bərabərindəki heyət Türkiyə Böyük Millət Məclisi Baş Katibi Dr. İrfan Nəziroğluilə TBMM-də görüşüblər.

Səmimi bir atmosferdə keçən görüşdə TBMM Baş Katibi Dr. İrfan Nəziroğlu, heyəti TBMM-də görməkdən məmnun olduqlarını, dost və qardaş dövlət olan Azərbaycana hər zaman və hər dəstəyi verməyə hazır olduqlarını deyib. Heyət adına çıxış edən cəmiyyətin sədri Dr. Asıf Kurban sözlərinə onları qəbul etdiyi üçün Baş Katibə təşəkkür edərək başlayıb.  

“Son zamanlarda Türkiyə əleyhinə qondarma Erməni Soyqırımı iddialarının artmasının, hətta buna Türkiyə vətəndaşı olan insanların da dəstək verməsinin onları çox narahat etdiyini söyləyib. Türkiyəni olmayan, qondarma bir soyqırımla günahlandıranlar çox yaxın tarixdə Azərbaycanın Xocalı şəhərində Ermənilərin həyata keçirtdiyi soyqırımı görməzdən gəlməkdədirlər. Hansı ki, Xocalı Soyqımının canlı şahidləri həyatdadırlar, bu soyqırımı kimlərin həyata keçirtdikləri hər kəs tərəfindən bilinməkdə və bunlar tam tərsi milli qəhrəman elan edilib və ya prezident seçilib”.  

Asıf Kurban daha sonra  Azərbaycan Türklərinin ağrısını paylaşmaq, Türkiyədə yaşayan milyonlarca insanın istəği olan TBMM-də Xocalı Soyqırımına həsr edilən bir oturumun təşkil olunmasını Baş Katibdən xahiş edib. Bu müzakirələrə Xocalı Soyqırımının canlı şahidləri və çox sayda qeyr-hökümət təşkilatları da dəvət oluna biləcəğini ifadə edib. İrfan Nəziroğlu da öz növbəsində belə bir oturumun çox faydalı olacağını və bunun üçün dəstək verəcəklərini söyləyib.  

Daha sonra cəmiyyətin sədri qəbula görə və o günün xatırası olaraq Baş Katibə cəmiyyətin plaketını hədiyyə edib. TBBM Baş Katibi Dr. İrfan Nəziroğlu da cəmiyyət sədrinə üzərində TBMM-nin amblemi olan plaket hədiyyə edib. Görüşdə eyni zamanda cəmiyyətin idarə heyəti üzvləri Cavid Əliyev, Prof. Dr. Gülmira Kuruoğlu, Nurlanə Ahundzadə Akfidan, Dr. Faiq İsayev, Fərid Novruzov və Dr. Vəfa Kurban da iştirak ediblər. Görüşdən sonra heyət məclisi gəzib. Onlara TBMM quruluşu, məclis binası və məclisin işləyişi haqqında geniş bilgi verilib.

 

Modern.az

 
Telegram
Hadisələri anında izləyin!
Keçid et
Rusiyadan hücum - Bu dəfə Türkiyəni vurdular