Birinci Avropa Oyunlarında Azərbaycan karateçilərinin uğurlu çıxışları davam edir.
Modern.az saytı xəbər verir ki, ağır çəkili karateçilər arasında yarışda Azərbaycanın iki karateçisi finala vəsiqə qazanıb.
Bakı Kristal Zalında keçirilən Oyunlarda Azərbaycan idmançıları 2-si kata, 4-ü isə kumite yarışında gücünü yoxlayacaq.
B qrupunda yarışan idmançımız Tural Balcanlı türkiyəli Yakan Mehmetlə görüşüb və məğlub olub. İkinci görüşündə Dak Minlə üz-üzə gələn təmsilçimiz 0:5 hesabı ilə məğlub olub. O, qrupda sonunu qarşılaşmada rumıniyalı Qura Adriana ilə üz-üzə gələcək.
***
Ölkəmizi təmsil edən Adilə Qurbanova da Balcani kimi yarışla vaxtından əvvəl vidalaşıb. Dünya kubokunun ikiqat qalibi almaniyalı Jasmin Bleul, türkiyəli Dilarə Bozan və xorvatiyalı Vlatka Kiuki üstələyə bilməyib.
***
Karate üzrə millimizin üzvü İrina Zaretska dünya çempionu ispaniyalı Kristina Zizkaino ilə üz-üzə gəlib. Karateçimiz 6:1 hesablı inamlı qələbə qazanıb. Onun növbəti rəqibi avstriyalı Teresa Alisa Bukinqer olacaq.
***
68 kq çəki dərəcəsində yarışan karateçimiz Aytən Səmədli xorvatiyalı Masa Martinoviçlə qarşılaşıb. Həmyerlimiz bu görüşdə 1:2 hesabı ilə uduzub. O, növbəti görüşündə də məğlub olub. Fransalı Nadege İbrahim Ait karateçimizi 5:0 hesabı ilə məğlub edib. Səmədli son görüşünü isveçli Hana Antunoviçə qarşı keçirəcək.
***
İrina Zaretska avstriyalı Teresa Alisa Bukingerlə üz-üzə gəlib və 0:4 hesabı ilə uduzub. Lakin son görüşündə yunanıstanlı Vasiliki Panetsidunu 1:0 məğlub edən Zaretska yarımfinala çıxıb.
***
84 kq çəki dərəcəsində mübarizə aparan karateçimiz Şahin Atamov ilk görüşünü türkiyəli Ərkan Enesə qarşı keçirib. Dünya çempionu Enes idmançımızı 10:1 hesabı ilə məğlub edib.
***
84 kq çəki dərəcəsində mübarizə aparan karateçimiz Ayxan Mamayev ilk görüşdə yunanıstanlı Georgios Mixail Tzanosla qarşılaşıb. Matç 0:0 hesabı ilə yekunlaşıb. Onun növbəti rəqibi ukraynalı Haruna Yaroslav olub. Təmsilçimiz 6:3 hesablı qələbəyə sevinib. Mamayev sonuncu görüşündə fransalı Kneyi Qrillona 6:1 qalib gələrək yarımfinala çıxıb.
***
İrina digər qrupun lideri Marina Rakoviçlə (Monteneqro) döyüşüb və uğurlu seriyanı davam etdirib - 1:0. Zaretska finalda avstriyalı Alisa Buçingerlə qarşılaşacaq.
***
Ayxan Mamayev də kosovalı rəqibi Karaqinə 6:1 hesabı ilə qalib gələrək finala çıxdı.
Modern.az
