ABŞ prezidenti Barak Obamanın Keniyadakı nənəsi nəvəsi üçün ölkəyə səfəri zamanı ənənəvi yeməklər hazırlamağa söz verib. Modern.az-ın xarici KİV-ə istinadən verdiyi xəbərə görə, “Mama Sara” ona balıq, toyuq, eləcə də maisdən sıyıq bişirəcək.
“Barak senatordur, yaxud prezidentdir, fərqi yoxdur. O, mənim onun üçün hazırladığımı yeyəcək”, - nənə qeyd edib. Sara Obama Barak Obamanın ata tərəfdən babasının üçüncü arvadıdır. O, Obamanın qan qohumu hesab edilməsə də, prezident ona “nənə” deyir.Obama Keniyaya 2009-cu ildə prezident seçiləndən sonra ilk dəfə gedəcək.
Modern.az
