Qazaxıstan prezidenti Nursultan Nazarbayev 75 illik yubileyini qeyd edir. Modern.az-ın xarici KİV-ə istinadən verdiyi xəbərə görə, bu gün Astananın da 17 illiyi qeyd edilir. Bu şəhərə paytaxt statusu dövlət başçısının təşəbbüsü ilə verilib.
2008-ci ildə bu şəhər günü bayram statusu alıb – paytaxt günü bütün ölkədə istirahət günü kimi qeyd edilir. Ölkədəki muzeylərin çoxunda bu gün prezidentin yubileyinə həsr edilən sərgi təşkil olunub.
Nazarbayev özü etiraf edib ki, ad gününü yaxşı əhval-ruhiyyə ilə qeyd edir: “Allaha şükür, bizim ölkəmizdə sabitlikdir”.
Nazarbayev ölkənin birinci şəxsi postunda 1989-cu ildən oturub. 2010-cu ildə ona rəsmən Millətin Atası statusu veriblər. O, keçmiş SSRİ respublikaları arasında yaşına və hakimiyyətdə olmaq rekorduna görə iki nəfərdən biridir. Ondan qocası yalnız Özbəkistan prezidenti İslam Kərimovdur.
Modern.az
