İngiltərənin “Liverpul” klubunun əfsanəvi keçmiş futbolçusu, hazırda ABŞ-ın “Los-Anceles Qelaksi” klubunun şərəfini qoruyan Stiven Cerard televiziyada ekspert kimi də çalışacaq.
Modern.az-ın xarici KİV-ə istinadən verdiyi xəbərə görə, BT Sport televiziya kanalı 35 yaşlı futbolçuya 2015/16 mövsümündə Çempionlar Liqasının oyunlarının eksperti olmağı təklif edib.
Stiven təklifdən imtina etməyib. Telekanal Ceraradla müqavilə imzalayıb, bu səbəbdən futbolçu vaxtaşırı Çempionlar Liqasının oyunları zamanı Avropaya uçmalı olacaq.
“Liverpul”un keçmiş yarımmüdafiəçisi “Los-Anceles Qelaksi”sə bu ilin yayında keçib.
Modern.az
