Moskva vilayətində qadın öz oğlunu öldürüb. Modern.az Rusiya KİV-nə istinadən bildirir ki, ilkin məlumata görə, qadın əvvəlcə yeniyetmə yaşına çatmayan oğlunu bıçaqlayaraq qətlə yetirib, sonra özünü də öldürüb.
Polisə qadının böyük oğlu müraciət edərək bildirib ki, anası yaşadığı 8-ci mərtəbədəki mənzilin pəncərəsindən özünü atıb. O, anası ilə birgə yaşayan kiçik qardaşı ilə əlaqə saxlaya bilmədiyini də deyib. Bundan sonra mənzilə baxış keçirən polis əməkdaşları yeniyetmə yaşına çatmayan oğlanın meyitini evdə aşkarlayıblar.
