Səudiyyə Ərəbistanının cənub-qərbindəki Ebha şəhərində bir məsciddə intihar hücumu təşkil edilib. Modern.az-ın xarici KİV-ə istinadən verdiyi xəbərə görə, hücumu terror hərəkəti olaraq xarakterizə edən Səudiyyə Ərəbistanı dövlət televiziyası “Əl İkbariye” ölü sayının ən az 17 nəfər olduğunu bildirib.
Hücum zamanı məsciddə terrorla mübarizə üçün yetişdirilən xüsusi təhlükəsizlik bölməsi üzvlərinin də olduğu öyrənilib. Ölənlərin hamısının bu müəssisəyə bağlı təhlükəsizlik güclərinin üzvləri olduğu iddia edilib.
