Bu il ali məktəblərə qəbul olunan abituriyentlərin qeydiyyatı davam edir. Tələbə Qəbulu üzrə Dövlət Komissiyasından (TQDK) Modern.az-a verilən məlumata görə, bu gün saat 16:00-a qədər ali təhsil müəssisələrinə qəbul olan 32279 abituriyentdən 19360 nəfəri qəbul olduqları universitetlərdə qeydiyyatdan keçib. Bu isə ali təhsil müəssisələrinə qəbul olunan abituriyentlərin 60 faizi deməkdir.
Ali təhsil müəssisələrinin bakalavriat səviyyəsinə qəbul olanlar avqustun 24-dək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.
Müəyyən olunan müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri ali məktəbə göndərilməyəcək.
Aytən ZƏHRA
