Azərbaycan Kommunist Partiyasının (AKP) sədri Rauf Qurbanov qarşıdan gələn parlament seçkilərində iştirak edəcək namizədlərlə bağlı açıqlama verib.
Rauf Qurbanov Modern.az-a açıqlamasında bildirib ki, partiyanın avqust ayının 30-da keçiriləcək iclasında namizədlərin siyahısı tam təsdiq olunacaq.
“Azərbaycan Kommunist Partiyası sentyabr ayında özünün növbəti 38-ci qurultayına hazırlaşır. Bununla əlaqədar olaraq avqust ayının 30-da Mərkəzi Komitənin büro iclası keçiriləcək. Büro iclasında bütün rayon və şəhər komitəsinin birinci katibləri iştirak edəcəklər.İclasda yerlərdə keçirilmiş konfranslardan qurultaya seçiləcək nümayəndlərin siyahısı təqdim olunmaqla siyahı tam təsdiq olunacaq. Biz bu seçkilərə çox ciddi hazırlaşırıq.
Hesab edirəm ki, seçkilərdə Azərbaycan Kommunist Partiyası əvvəlki illərdə ictimai-siyasi həyatda fəal iştirak etdiyi kimi, bu seçkilərdə də fəal iştirak edəcək.
Biz artıq tapşırıq vermişik ki, yerlərdə, dairələrdə namizədliyi irəli sürüləcək nüfuzlu üzvlərimizin vəkilləri, məntəqəqlərə göndriləcək müşahidəçilərin say tərkibi müəyyənləşdirilsin. Bu barədə çox geniş səpkidə işlər aparılır”.
Leyla Əfqan
