Ankarada oktyabrın 10-da “Barış Mitinqi” zamanı 102 nəfərin ölümünə səbəb olan terror aktını törətməkdə şübhəli bilinərək nəzarətə götürülən 11 nəfər bu səhər Ankara Ədliyyəsinə gətirilib.
Modern.az Türkiyə mediasına istinadən xəbər verir ki, sorğu-sualdan sonra 11 nəfərdən 6-sı məhkəməyə, 1-i isə ədliyyə nəzarətində digər istintaqa göndərilib. 4 nəfər isə istintaqdan sonra sərbəst buraxılıb.
Məhkəməyə göndərilən 6 nəfərdən 4-ü həbs olunub, 2 nəfər nəzarətə götürülməklə sərbəst buraxılıb.
Modern.az
