Bakı şəhəri, Nizami rayonunda 3 nəfər doqquzmərtəbəli yaşayış binasının liftində qalıb. Hadisə yerinə gəlmiş xilasedicilər əməliyyat şəraitini qiymətləndirərkən məlum olub ki, lift texniki nasazlıq səbəbindən 1-ci və 2-ci mərtəbələr arasında dayanıb.
Modern.az Fövqəladə Hallar Nazirliyinin mətbuat xidmətinə istinadən xəbər verir ki, xilasedicilər təhlükəsizlik tələblərinə riayət etməklə müvafiq xilasetmə alət və avadanlıqları vasitəsilə lifti 3-cü mərtəbəyə qaldıraraq qapılarını açıb və gərgin psixoloji vəziyyətdə olan zərərçəkmişlərin liftdən çıxmasına şərait yaradıblar.
