Bu gün “Dünya Çempionatı-2018”in seçmə mərhələsində növbəti oyunlar keçiriləcək. Modern.az saytı xəbər verir ki, Azərbaycan millli komandası səfərdə Şimali İrlandiyanın qonağı olacaq.
Xatırladaq ki, Azərbaycan millisi ilk 3 turda məğlub olmayıb.
Yığmamız bugünkü oyuna ciddi itki ilə çıxacaq. Belə ki, kapitan Rəşad Sadıqov zədə səbəbindən çətin səfərdə meydana çıxa bilməyəcək. Matç saat 23:45-də başlayacaq.
Millimizin baş məşqçisi Robert Prosineçki ötən gün keçirdiyi mətbuat konfransında bugünkü oyuna ilk 11-likdə aşağıda adları qeyd olunan futbolşulara şans verəcəyini deyib:
Kamran Ağayev, Məhəmməd Mirzəbəyov, Maksim Medvedev, Bədavi Hüseynov, Arif Daşdəmirov, Qara Qarayev, Rahid Əmirqiliyev, Emin Mahmudov, Ramil Şeydayev, Əfran İsmayılov, Ruslan Qurbanov
C qrupu
IV tur
23:45. Şimali İrlandiya - Azərbaycan
Baş hakim: Klement Turpin
Baş hakimin köməkçiləri: Nikolas Danos, Siril Qrinqor
Dördüncü hakim: Frank Şneyder (hamısı Fransa)
Belfast. “Vindzor Park” stadionu
23:45. Çexiya – Norveç
23:45 San Marino - Almaniya
| 1. | Almaniya | 3 | 3 | 0 | 0 | 8-0 | 9 |
| 2. | Azərbaycan | 3 | 2 | 1 | 0 | 2-0 | 7 |
| 3. | Şimali İrlandiya | 3 | 1 | 1 | 1 | 4-2 | 4 |
| 4. | Norveç | 3 | 1 | 0 | 2 | 4-5 | 3 |
| 5. | Çexiya | 3 | 0 | 2 | 1 | 0-3 | 2 |
| 6. | San Marino | 3 | 0 | 0 | 3 | 1-9 | 0 |
