Tanınmış teleaparıcı İlqar Mikayıloğlunu çəkiliş zamanı ilan sancıb.
Bu barədə Modern.az-a aparıcının həyat yoldaşı Zülfiyyə Bayramova məlumat verib.
Z.Bayramova deyib ki, İ.Mikayıloğlunu Füzuli rayonu Haramı düzündə verilişin çəkilişi zamanı ilan sancıb:
“Dərhal hospitala aparıldı. İlkin tibbi yardım edilib. Həkimlərin vəziyyətin normal oldğunu deyir. Hazırda Bakıya gəlirik”.
Aparıcının xanımı sancan ilanın növünün zəhərli olub-olmadığından narahat olduqlarını deyib:
“Bilmirik ilan zəhərlidir, yoxsa zəhərsiz. Həkimlər ilkin tibbi yardımın qaydasında edildiyini bildirir. İlqarı təcili yardıma mindirəndə yaxşı idi, huşu da özündə idi. Amma biz ayrı-ayrı maşınlarda gəlirik. Ümid edirəm ki, hər şey qaydasındadır”.
Gülşən RAUFQIZI
