1. Rauf Vəliyev Gədəbəydə böyüyüb
1968-ci ildə Gədəbəyin Şahdağ kəndində anadan olan Rauf Vəliyevin uşaqlığı Gədəbəydə keçib, tez-tez yaxın qohumlarının yaşadığı Tovuzda olub. Orta təhslini də Gədəbəydə alıb. Atası Fərhad müəllim, babaları Rza müəllim, Hüseyn kişi el-obanın ən hörmətli, sayılıb-seçilən ziyalılarından, ağsaqqallarından olublar. Belə ailədə, belə mühitdə böyüyən Rauf Vəliyev təbii ki, o torpaqların, o ailənin mentalitetini, ruhunu özündə birləşdirib.
2. Rauf Vəliyev el-obasına bağlı adamdır
Bakıya gəlib təhsil alanda da, dövlət qulluqçusu kimi çalışanda da, geniş biznes fəaliyyəti ilə məşğul olanda da Rauf müəllimin bir ayağı həmişə Gədəbəydə, Tovuzda olub. El-obasına bağlı olan Rauf müəllim özünün dediyi kimi, o dağların havasını udan kimi mənəvi rahatlıq tapıb.
3. Rauf Vəliyev el-obasının qayğısına qalandır
Təbii ki, böyüyüb boya-başa çatdığı yerlərə bu qədər bağlı olan, yerli sakinlərin yaşadığı çətinlikləri birbaşa özü yaşayan Rauf Vəliyev o yerlərin problemini də hamıdan yaxşı bilir. Ona görə də həmişə arzulayıb ki, bu problemlərin həlli üçün nəsə edə bilsin. İş adamı kimi pul qazanmağa başlayanda isə artıq əməli işə keçib, istəklərini reallaşdırıb. Məsələn, kəndə içməli suyun çəkilməsi, ilk dəfə tibb məntəqəsinin açılması kimi mühüm əməllər üçün onun böyük miqdarda vəsait xərcləməsini xüsusi qeyd etmək lazımdır.
4. Rauf Vəliyev xeyriyyəçi kimi tanınır
Hamımız bilirik ki, hər şey gendən gəlir. Rauf Vəliyevin o cür nəslin nümayəndəsi olması həm insanlarla münasibətdə, həm el-obasını sevməkdə, həm də xeyirxah işlərə can atmasında özünü büruzə verir. Təsadüfi deyil ki, qardaşları İbrahimxəlil (Allah rəhmət eləsin) və Akif müəllimin xeyriyyəçilik əməllərini Rauf müəllim bu gün şərəflə davam etdirir. Heç kimi naümid geri qaytarmayan, hamıya əlindən gələni etməyə çalışan Rauf müəllim hər nə qədər təvəzökarlığını qorusa da, elin gözü tərəzidir və insanlar bu el oğluna layiqli qiymətini verməyi bacarırlar. Təsadüfi deyil ki, onu “El-obasının Hacı Zeynalabdini” adlandıranlar da var.
5. Rauf Vəliyevin hüquqşünaş və rəhbər kimi böyük təcrübəsi var
Rauf müəllim Bakı Şəhəri İcra Hakimiyyətində uzun müddət (14 il) işləməklə zəngin təcrübə qazanıb. Şöbə müdiri vəzifəsinə qədər yüksələn Rauf müəllimin hüquqşünaslığı, idarəçilik təcrübəsi ona el-obasını Milli Məclisdə uğurla təmsil etmək üçün böyük üstünlük qazandırır.
6. Rauf Vəliyevin insani keyfiyyətləri çox yüksəkdir
Zəngin karyerası, geniş biznes fəaliyyəti olmasına baxmayaraq, Rauf müəllim daima sadəliyini, səmimiliyini qoruyub. Məhz bu xüsusiyyətinə görə də, o çox sevilir. Rauf müəllimin insanlara necə hörmətlə yanaşması, onları hər zaman səbrlə dinləməsi, mehriban rəftarı, gülərüz siması ona olan sevgini günü-gündən artırır.
7. Rauf Vəliyev çox uğurlu seçki kampaniyası apardı
Seçki kampaniyası prizmasından da yanaşsaq, Rauf Vəliyev 104 saylı dairənin qalibidir. Onun kənd-kənd aktiv görüşləri, insanların problemlərini qeydə alması və hələ namizəd kimi bu problemləri indidən uğurla ictimailəşdirməsi xüsusi qeyd edilməlidir. Onun apardığı təbliğat-təşviqat kampaniyası bütün respublikaya səs salıb. Bunun nəticəsidir ki, bir çox neytral mətbuat nümayəndələri, ictimai xadimlər də bildirirər ki, 104 saylı Gədəbəy-Tovuz seçki dairəsində ən şanslı namizəd məhz Rauf Vəliyevdir.
