"Barselona"nın müdafiəçisi Nelson Semedo komandanın bu gün keçirilən məşqlərinə buraxılmayıb.
Modern.az xəbər verir ki, buna səbəb müdafiəçinin bazar ertəsi günü restoranların birində təşkil olunan yığıncaqda iştirakıdır.
La Liqanın koronavirusa qarşı tətbiq etdiyi protokola əsasən karantin qaydalarını pozan futbolçular məşqlərə və oyunlara buraxılmır.
Qeyd edək ki, Nelson Semedo karantin qaydalarını pozaraq dostunun doğum günündə iştirak edib. Ad günündə 20 nəfər, ofisiant və aşpaz da olub.
T.İSMAYIL
