Cari ilin sonuna kimi “Bayraktar TB3” pilotsuz uçuş aparatlarının kütləvi istehsalına başlayacağıq. Türkiyə olaraq özümüzün silahlı pilotsuz uçuş aparatını (PUA) və pilotsuz döyüş təyyarəsini inkişaf etdirəcəyik.
Modern.az xəbər verir ki, bunu Türkiyənin "Baykar" şirkətinin icraçı direktoru Haluk Bayraktar “Haber TÜRK” telekanalına müsahibəsində deyib.
"Baykar" şirkətinin keçdiyi inkişaf yolu, qarşılaşdıqları maneələr və perspektivdə olan strateji layihələr barədə geniş məlumat verən Bayraktar bildirib ki, hazırda təmsil etdiyi şirkət dünyada ən böyük PUA ixracatçısıdır.
“Dünyada bizdən çox ölkəyə bu ölçüdə PUA verən başqa bir şirkət yoxdur” - Haluk Bayraktar deyib.
