Ermənistandan Kollektiv Təhlükəsizlik Müqaviləsi Təşkilatından (KTMT) çıxmaqla bağlı sənədlər daxil olmayıb.
Modern.az xəbər verir ki, bunu Rusiyanın xarici işlər naziri Sergey Lavrov Nikol Paşinyanın Ermənistanla KTMT arasında münasibətlərin dönməz həddə çatması barədə bəyanatını şərh edərkən deyib.
“Biz bu söhbətləri eşidirik. Ermənistanın baş naziri parlamentdə bu mövzuda çox danışıb, qərarlar verib. Biz heç kimə heç bir şərt qoymuruq. Biz əminik ki, üzvlükdən maksimum yararlanmaq Ermənistanın təhlükəsizliyinin maraqlarına uyğundur. Rusiya və KTMT-nin digər üzvləri İrəvana qapıları bağlamaq kimi qəbul ediləcək heç bir addım atmayıb və atmaq niyyətində deyil”.
Xatırladaq ki, Paşinyan parlamentdə “hökumət saatı” zamanı bəyan edib ki, Ermənistan artıq özünü KTMT-dən kənarda hesab edir və buna görə də qurum çərçivəsində qərar və sənədlərin qəbulunda iştirak etmir.
