Suriyanın keçmiş lideri – devrilmiş prezident Bəşər Əsəd Rusiya Federasiyasının vətəndaşlığını almalıdır.
Modern.az xəbər verir ki, bu barədə “Paraqraf” internet nəşrinə Rusiya Dövlət Dumasının Müdafiə Komitəsi sədrinin birinci müavini Aleksey Juravlev bildirib.
Onun sözlərinə görə, hər il 700 minə yaxın şəxs Rusiya pasportu alır və onların böyük əksəriyyəti heç də məşhur insanlar deyil.
Deputatın fikrincə, əgər Ukraynanın keçmiş prezidenti Viktor Yanukoviç Rusiya Federasiyasının vətəndaşı olmağı bacarıbsa, ona qarşı indiki mənfi münasibətə baxmayaraq, Rusiya üçün çox işlər görən Əsədə də vətəndaşlıq verilməlidir.
Qeyd edək ki, Suriyada hökumət devrildikdən sonra – dekabrın 8-də Əsəd ailəsi ilə birlikdə Moskvaya qaçıb və ölkə prezidenti Vladimir Putinin birbaşa qərarı ilə Rusiyadan sığınacaq alıb.
