Azərbaycanda son illərdə boşanmaların sayında artım müşahidə edilir. Dövlət Statistika Komitəsinin məlumatına görə, 2024-cü il ərzində ölkədə 21 384 boşanma qeydə alınıb. Bu, əvvəlki illərlə müqayisədə ciddi artım deməkdir.
Statistikaya nəzər salsaq, 2023-cü ildə 21 688, 2022-ci ildə 15 983, 2021-ci ildə 17 191, 2020-ci ildə isə 14 628 boşanma qeydə alınıb. Göründüyü kimi, 2022-ci ildən başlayaraq boşanma hallarında nəzərəçarpacaq artım müşahidə edilir.
Ekspertlər boşanmaların artmasını müxtəlif səbəblərlə izah edirlər.
Vəkil Tural Abdullazadə Modern.az-a bildirib ki, ölkədə boşanmaların obyektiv və subyektiv tərəfləri mövcuddur:
"Birinci səbəb, ailənin sosial-maddi rifahının yaxşı olmamasıdır. Daha sonra valideynlərin ailəyə müdaxiləsidir. Xəyanət faktoru da son dövr üçün aktual hesab olunur. Cütlüklərin bir-birini tanımadan evlənməsi mənfi nəticələrə səbəb olur".
Vəkil qeyd edib ki, bəzi gənclərdə qəribə psixologiya mövcuddur: "Sanki, toy şəklim olsun , vəssalam , gerisi maraqlı deyil. Müraciətlər arasında şiddət faktoru da mühüm rol oynayır. Boşanmaya müraciət edənlər arasında qadınlar daha çoxdur".
Zərif Sofiyeva
