YAP Kəlbəcər rayon təşkilatı 7 aprel 2025-ci il tarixində Şərqi Zəngəzur Regional Təhsil İdarərsinin Kəlbəcər rayon sektorunun 23 saylı Kəlbəcər rayon orta məktəbində “Konstitusiya və Suverenlik İli” çərçivəsində ‘Ulu Öndər Heydər Əliyev - müstəqil Azərbaycanın Konstitusiyasının müəllifidir” adlı tədbir keçiriib.
Modern.az xəbər verir ki, tədbirdə əvvəlcə Ulu Öndər Heydər Əliyevin, Azərbaycanın ərazi bütövlüyü və suverenliyi uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib.
YAP Kəlbəcər rayon təşkilatının sədri Həbib Misirov çıxış edərək bildirib ki, Ulu öndərin bilavasitə rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikasının ilk Konstitusiyası ölkəmizdə genişmiqyaslı qanunvericilik və institusional islahatların əsasını təşkil etdi. Azərbaycanda həyata keçirilən konstitusiya islahatları ölkənin dövlət idarəçiliyinin modernləşdirilməsinə yönəlmişdir. Xüsusilə 2002, 2009 və 2016-cı illərdə aparılan konstitusiya dəyişiklikləri dövlət hakimiyyətinin səmərəli fəaliyyətini təmin etmək məqsədini daşıyırdı. Azərbaycan Respublikasının Prezidenti cənab İlham Əliyev tərəfindən 2025-ci ilin “Konstitusiya və Suverenlik İli” elan olunması tarixi əhəmiyyət kəsb edir. Dövlətimizin başçısının imzaladığı Sərəncam Konstitusiyamıza və dövlət suverenliyinə ali ehtiram və dəyərin ifadəsidir. Torpaqlarımızın işğaldan azad edilməsi və suverenliyimizin tam təmin olunması nəticəsində Əsas Qanunda ehtiva edilən Azərbaycan dövlətinin müstəqilliyini, suverenliyini və ərazi bütövlüyünü qorumaq niyyəti də tam reallaşıb.
Məktəbin direktoru, Ərazi Partiya təşkilatının sədri Həqiqət Şükürova, partiya fəalları Arif Tağıyev, Nəcibə Səlimbəyli, Samirə Məmmədova, Rafael Nağıyev və digər çıxış edənlər bildirdilər ki, Azərbaycan xalqı artıq beşinci ildir ki, qalib xalq olmağın qürurunu yaşayır. 2020-ci il sentyabrın 27-də Ermənistan silahlı qüvvələrinin təxribatı nəticəsində başlayan və cəmi qırx dörd gün sonra Azərbaycan Ordusunun qalibiyyəti ilə bitən Vətən müharibəsi tariximizin ən şanlı səhifələrindən biridir. Otuz ilə yaxın Ermənistanın işğalında qalmış Qarabağ və Şərqi Zəngəzur ərazilərimizi bizə bu böyük Zəfərimiz qaytardı.
Sonda YAP-nın fəaliyyətində aktiv olan üzvlərə Fərxi fərmanlar tədqim edildi.
