Azərbaycanlı zabit Ramil Səfərovun erməni zabit Qurgen Markaryana Azərbaycan bayrağını təhqir etdiyinə görə layiqli cavab verməsi uzun illər idi ki, Ermənistanla Macarıstan arasında diplomatik əlaqələrin tam kəsilməsinə səbəb olmuşdu.
Ermənistan iddia edirdi ki, Markaryan təqsirsiz olub.
Hadisənin üzərindən 20 ildən çox vaxt keçəndən sonra deyəsən Ermənistan əvvəlki fikrindən vaz keçərək Markaryanı suçlu bilib.
Belə ki, Macarıstanda Ermənistan səfirliyi açılacaq. Müvafiq qərar ötən il noyabrın 28-də Ermənistan hökumətinin iclasında qəbul edilib.
Əsasnamədə bildirilir ki, 2022-ci il dekabrın 1-də Lodz şəhərində Ermənistan və Macarıstanın xarici işlər nazirləri Ararat Mirzoyan və Peter Siyarto arasında görüş keçirilib və diplomatik münasibətlərin tam bərpası barədə razılıq əldə olunub.
Macarıstan Avropa İttifaqına üzv ölkə kimi Ermənistan üçün böyük əhəmiyyət kəsb edir.
Mirzoyanın 2024-cü il mayın 6-da Macarıstana səfəri zamanı paytaxtlarda qarşılıqlı səfirliklərin açılması barədə razılıq əldə olunub.
Paşinyan hökumətinin bu qərarı Ermənistanda birmənalı qarşılanmır. Müxalifət Paşinyanı Ramil Səfərova haqq qazandırmaqda və Macarıstanla diplomatik əlaqələri bərpa etməkdə suçlayır.
