Bu gün – mayın 1-də Bakıdakı “Word Business” mərkəzində “Orta Asiya və Güney Qafqaz Söz Azadlığı Şəbəkəsi” İctimai Birliyinin (CASCFEN) təsis etdiyi “RAMİZ ƏSKƏR-TÜRK DÜNYASINA XİDMƏT ÖDÜLÜ”nün qaliblərinin mükafatlandırılması və CASCFEN-in türk dünyasına yönəlik fəaliyyətinə dəstək verən media orqanlarına Təşəkkür Bəlgəsinin təqdimat mərasimi keçirilib.
Modern.az xəbər verir ki, tədbirdə mükafatlandırılan şəxslər media və qeyri-hökumət təşkilatlarının nümayəndələri, eləcə də ədəbiyyat-tarix sahəsində fərqlənənlər olub.
Tədbir şəhidlərin ruhuna bir dəqiqəlik sükut və dövlət himninin səsləndirilməsi ilə başlayıb. Sonra “Orta Asiya və Güney Qafqaz Söz Azadlığı Şəbəkəsi” İctimai Birliyinin sədri Nadir İsmayılov tədbiri açıq elan edib.
CASCFEN sədri bildirib ki, mərasimin təşkili türk dünyasına töhfə vermək məqsədi daşıyır.
QHT-lər və ədəbiyyat-tarix sahəsində araşdırmalarına görə, ümumilikdə 8 nəfər təltif edilib. Onlardan biri mərhum deputat Qənirə Paşayeva olub. Mükafat onun ailəsinə təqdim olunub.
Mükafatları Mətbuat Şurasının sədri Rəşad Məcid, deputat Vüqar İskəndərov və CASCFEN-in rəhbəri Nadir İsmayılov təqdim edib.
Sonda CASCFEN-in türk dünyasına yönəlik fəaliyyətində fərqlənən bir sıra media orqanları da “Təşəkkür Bəlgəsi” nə layiq görülüb. Onlar arasında Modern.az da olub.
Zərif Sofiyeva
