Avqustun 8-də Binəqədi rayonunda “Konstitusiya və Suverenlik İli” çərçivəsində “Ətraf mühitin mühafizəsi və ekoloji maarifləndirmə” mövzusunda aksiya keçirilib.
Modern.az xəbər veri ki, Binəqədi Rayon İcra Hakimiyyətinin dəstəyi və Binəqədi rayon bələdiyyələrinin birgə təşkilatçılığı ilə keçirilən aksiyanın məqsədi sakinlərin, eləcə də, rayon ərazisində fəaliyyət göstərən sahibkarlıq subyektlərinin diqqətini ətraf mühitin təmiz saxlanılması və ekoloji məsuliyyətin artırılmasına yönəltməkdir.
Aksiya çərçivəsində sakinlərə ətraf mühitin qorunmasının vacibliyini vurğulayan maarifləndirici bukletlər paylanıldı. Eyni zamanda, rayonun inzibati ərazilərində qanunvericiliklə nəzərdə tutulmayan ərazilərin tulantılarla çirkləndirilməməsi ilə bağlı çağırışlar əks olunan maarifləndirici lövhələr quraşdırılmışdır.
