Son illərdə ABŞ-də baş verən meşə yanğınları həm miqyasına, həm də dağıdıcı təsirlərinə görə tarixi hadisələr kimi yadda qalıb. Bu yanğınlar təkcə yüz minlərlə hektar ərazini külə döndərməklə kifayətlənmir, həm də insan həyatı, flora və fauna üçün ciddi təhlükə yaradır. İqlim dəyişikliyi, quraqlıq və artan temperatur bu cür yanğınların daha tez-tez və şiddətli baş verməsinə səbəb olur.

 

Modern.az 21-ci əsrdə ABŞ-də baş verən ən böyük yanğınları araşdırıb.

 

2004, Alyaska 

Alyaskada Taylor Kompleksində yanğın baş verir. Bu yanğın 2007-ci ilə qədər ABŞ tarixində ən böyük meşə yanğını idi. O, 1,3 milyon akr-dan (Akr (ing. acre) — sahə ölçüsü. İngilis ölçü sisteminin qəbul etmiş Birləşmiş Krallıq, ABŞ, Kanada, Avstraliya və s. ölkələrdə işlədilir. Əvvəllər akr bir gündə bir cüt öküzlə şumlanan sahə götürülürdü. 1 akr 4,040.86 m2-a bərabərdir.) çox ərazini əhatə edib. Lakin möcüzəvi şəkildə heç bir insan həyatını itirməyib. Bu yanğın təkcə ölçüsünə görə deyil, həm də ətraf mühitin dəyişdiyi bir dövrdə Alyaskada ilk böyük meşə yanğınlarından biri olması baxımından əhəmiyyətli idi.

 

28 iyun 2013, Arizona

Yarnell Hill yanğını Arizona tarixinin ən ölümcül meşə yanğını kimi tarixə düşüb. Bu,siyahıdakı bəzi digər meşə yanğınları qədər böyük olmasa da, yenə də 8,400 akr ərazinin yanmasına səbəb olaraq, əhəmiyyətli dağıntılara səbəb olub. Həmçinin yanğın zamanı 19 nəfər yanğınsöndürən faciəvi şəkildə həyatını itirib.. Yanğın ildırım vurması nəticəsində yaranıb, lakin aylar davam edən quraqlıq və həddindən artıq istilər onun sürətlə yayılmasına kömək edib.

 

İyul 2018, Kaliforniya

Şimali Kaliforniyadakı Mendocino Kompleksi Yanğını 459,000 akrdan çox ərazini əhatə edib. Yanğın, mülk sahibinin metal dirəyi yerə vurması nəticəsində yaranan qığılcımdan sonra başlayıb. Yanğının tam söndürülməsinə təxminən üç aya yaxın vaxt sərf olunub. Yanğın bir nəfərin ölümünə səbəb olsa da, minlərlə insan evlərini tərk edib.

 

Avqust 2020, Kaliforniya

Kaliforniyada 37 ayrı kiçik yanğınla alovlanan Avqust Kompleksi yanğını ştatın tarixində ən böyük meşə yanğınına çevrilib.. 1 milyon hektardan çox ərazini yandırıb. Buna baxmayaraq, xoşbəxtlikdən yalnız bir insan həyatını itirib. 

 

İyul 2021, Kaliforniya

Kaliforniyanın ikinci ən böyük meşə yanğını olan Dixie yanğını 2021-ci ildə başlayıb və təxminən bir milyon akr ərazini yandırıb. O, bir çox ölkəni dağıdıb. Yanğının söndürülməsi  üçün aylarla iş görülüb. Nəhayət oktyabrın sonlarında nəzarət altına alınana qədər geniş bir ərazini  yandırıb. Miqyasına baxmayaraq, yanğın yalnız bir can alıb..

 

Fevral 2024, Texas

2024-cü ilin fevral ayında Texasdakı Smokehouse Creek yanğını Panhandle bölgəsini dağıdıb və cəmi üç həftə ərzində 1 milyon akrdan çox ərazini yandırıb. Yanğının sürətlə yayılması 33 nəfərin ölümü ilə nəticələnib. 

 

Qeyd edək ki, belə yanğınlardan biri hazırda davam edir. ABŞ-nin Los Anceles ştatında yanvarın 7-də başlayan yanğına görə, yüz minlərlə insana evakuasiya xəbərdarlığı edilib. Yanğında 16 insan həyatını itirib.