Azərbaycanlı tələbə 7 xarici universitetdən təqaüd QAZANIB | Modern.az

Tanınmış azərbaycanlı ixtiraçı, tələbə Reyhan Camalova dünyanın top universitetlərindən təqaüd qazanıb.

 Modern.az xəbər verir ki, bu haqda o, sosial media hesabında məlumat yayıb. R.Camalovanın təqaüd qazandığı universitetlərin siyasını təqdim edirik:

1. STANFORD Universiteti
2. PENNSYLVANİA Universiteti - Penn Dünya Təqaüdçüsü (Penn World Scholar)
3. DUKE Universiteti (Tam - illik 85,903 dollar təqaüdlə)
4. BROWN Universiteti (Tam - illik 85,574 dollar təqaüdlə)
5. AMHERST Kolleci (Tam - illik 84,168 dollar təqaüdlə)- Martın 5-də erkən qəbul (early write) alan 200 şəxsdən biri olub.
6. TORONTO Universiteti Viktoria Kolleci, Fiziki və Riyazi Elmlər (Physical and Mathematical Sciences)
7. TORONTO Universiteti Scarborough Filialı, Co-op Menecment (Co-op Management BBA)

Qeyd edək ki, Reyhan Camalovanın 2017-ci ildə  dostu ilə birgə hazırladığı yağışdan elektrik enerjisi əldə edən “Rainergy” layihəsi "Auditoriyanın Favorit Startapı" mükafatını qazanıb. Bundan sonra savadı və istedadı ilə məşhurlaşan azərbaycanlı 2018-ci ildə 15 yaşlı Reyhan Camalova "Rainergy" adlı layihəsi ilə “Forbes”  jurnalının 30 yaşdan aşağı 30 asiyalı siyahısına düşüb.

Fidan Əli